گوزل تاری (خدای زیبا)

ر گول

گوزل تاری نین آدیلان ( غزل ترکی باخیش 3)

آیدا نه لیاقت کی دییم یاریمه اوخشار

مین آیه برابر قویولا اوسته گلر یار

حاشا گون اولا یاریله سیماده برابر

یاریم گونه گوز وورسا گونون قیمتی آرتار

گول لبلری گولسه گولومون باغدا گولر گول

بلبل اوخویار شوره گلر گلشن و گلزار

محراب عبادتدن آلوب خم قاشی سبقت

مینلرجه قاباقندا دوشوب سجده ایدن وار

پیچ و خم زلفونده گرفتاردی مین دل

دینندن اولور ، گورسه اونون حسنونی دیندار

خوشدور باخشی ، نیتی خوش ، صحبتی خوشدور

خوش حالیمه کی منله اولوب همدم او دلدار

شیرین لبینین سوزلری شیرین ئوزی شیرین

قویسا اونیلا لب لبه صحت تاپی بیمار

حسرت چکیرم بختینه اقبالینه جامین

یارین دوداقین ئوپدی ووروب خنده دوداقلار

شربت نه یه لازمدی کی یارین دوداقندان

شربت ایچه لی مست و خرامان اولی هوشیار

عمروم بویی یاریله خوشام گوز گوزه باخسام

یاره ولی چوخ مشتری وار گرمدی بازار

دوزدور باخیشیم یاره گوره ، گیتمه میشم کج

چون دوز سود امن ایتمز ( هدایت) دوزی انکار